Zigmund Frojd – Personalitete dhe Psikoanalizë (PDF)

Përshkrimi

Zigmund Frojd – Personalitete dhe Psikoanalizë në (PDF) – 336 faqe.
Libri përfshihet te Vepra e plotë e Frojdit në shqip, vëllimi I e II, dhe këtu në PDF.

Përktheu Arben Çokaj
Konsulent profesional & Editor: Dr. Dashamir Çokaj

( Përkthimi më i mirë dhe më i plotë i veprës së Frojdit në shqip )

Formati i librit 160×235 mm. Libri në A5 ka 435 faqe. 

Frojdi merret edhe me përshkrimin historik dhe psikoanalitik të disa personaliteteve të kulturës dhe artit të njohura në botë, si mjeku i famshëm francez Charcot, student i të cilit ishte, Leonardo da Vinçi, Mikelanxhelo, Dostojevski, Gëte, etj. Kemi përfshirë edhe leksionet e reja mbi Psikoanalizën – pasi i kemi konsideruar me interes për lexuesit tanë.

ÇMIMI GËTE

(1930)

LETËR PËR DR. ALFONS PAQUET

Grundlsee, 3.8.1930

I dashur Dr. Paquet,

Nuk jam prishur nga shenjat publike të nderit dhe jam përshta­tur aq shumë me këtë gjendje, sa kam mundur të bëj pa to. Megji­thatë, nuk do të doja ta mohoja se dhënia e Çmimit Gëte të Qytetit të Frankfurtit më ka dhënë një kënaqësi të madhe. Ka diçka në të, që veçanërisht e nxit imagjinatën dhe një nga kushtet e saj, largon ndjenjën e poshtërimit që në raste të tjera është një bashkëshoqë­ruese e dallimeve të tilla.

Duhet t’ju falënderoj veçanërisht për letrën tuaj; më preku dhe më mahniti. Përveç depërtimit tuaj simpatik në natyrën e punës sime, nuk i kam gjetur kurrë më parë qëllimet e fshehta, personale pas saj të njohura me një qartësi të tillë si ato tuajat, dhe do të doja shumë t’ju pyesja se si e keni arritur këtë njohuri?

Më vjen keq që mësoj nga letra juaj drejtuar vajzës sime se nuk do t’ju shoh në të ardhmen e afërt, dhe shtyrja është gjithmonë një çështje e rastësishme në këtë kohë të jetës sime. Sigurisht, do të jem shumë i gatshëm ta pres zotërinë (Dr. Michel), vizitën e të cilit po e njoftoni ju.

Fatkeqësisht, nuk do të jem në gjendje të marr pjesë në ceremo­ninë në Frankfurt; jam shumë i dobët për një sipërmarrje të tillë. Shoqëria atje nuk do të humbasë asgjë nga kjo: vajza ime Ana është sigurisht më e këndshme për t’u parë dhe për t’u dëgjuar sesa unë. Ne propozojmë që ajo të lexojë disa fjali të miat, që kanë të bëjnë me lidhjet e Gëtes me psikoanalizën dhe të mbrojë vetë analistët nga qortimi, se kanë ofenduar respektin, që i takon njeriut të madh nga përpjekjet analitike, që kanë bërë ndaj tij. Shpresoj se do të jetë e pranueshme nëse e përshtas kështu temën, që më është propozuar –’marrëdhëniet e mia të brendshme si njeri dhe shkencëtar me Gëten’ – përndryshe do të jeni aq të sjellshëm sa të më njoftoni.

Me shumë sinqeritet,
Frojdi

LIBRI XI

PERSONALITETE dhe PSIKOANALIZË

PËRMBAJTJA